ከንቲባ አዳነች አቤቤ "Liveable and Sustainable Cities: Rejuvenate, Reinvent, Reimagine" በሚል መሪ ቃል በሲንጋፖር ከተማ እየተካሄደ በሚገኘዉ በርካታ የአለም ከተሞች በተሳተፉበት ጉባኤ ላይ እየተሳተፉ ይገኛሉ::
ጉባኤው ከተሞችን ለነዋሪዎች ምቹና አረንጏዴ በማድረግ ፣ የአየር ብክለትን መከላከል እና የፈጣን ለውጥ ማዕከል በማድረግ ለትውልድ የሚተላለፍ አሻራ ስለማኖር በሰፊው እየመከረ የሚገኝ ሲሆን ልምድ ልውውጥ እና መማማርን ማዕከል ያደረገ ጉባኤ ነው::
ከንቲባ አዳነች አቤቤ በC40 አባል ከተሞች አማካይነት በተዘጋጀዉ የፓናል ዉይይት ላይ በመሳተፍ በከተማችን ቀጣይነት ያለው እድገት በማረጋገጥ ለኑሮ ምቹ ለማድረግ እየተሰሩ ባሉ ስራዎች ፣ ዕድሎች እና ተግዳሮቶች ዙሪያ ልምድ ያካፈሉ ሲሆን በተለይ የአየር ንብረት ለውጥ ተፅዕኖን በመቋቋም የተሻለ ከተማን ለመገንባት እየተከናወኑ ባሉ የወንዝ ዳርቻ ስራዎች፣ የህዝብ መዝናኛ ፓርኮች በመገንባት፣ የአረንጓዴ ልማት ኢንሼቲቭን በማከናወን ላይ ስለሚገኙት የኮሪደር ልማት ስራዎች እንዲሁም የሚሰራው ልማት ሁሉ ለሰው ልጆች ተስፋ እና የኑሮ ጫናን የሚያቃልል ይሆኑ ዘንድ ሰው ተኮር ተግባራት በተመለከተ በዝርዝር አስረድተዋል::
ከጉባኤው ተሳትፎ ጎን ለጎን ከንቲባ አዳነች አቤቤ ከሲንጋፖር ማህበራዊ ጉዳይ ሚኒስትር ዴስሞንድ ሊ ፣ ከተለያዩ ከንቲባዎች ፣ ከተማ አስተዳዳሪዎች እንዲሁም በከተሞች ዙሪያ ከሚሰሩ የድርጅት ተወካዮች ጋር በመገናኘት በቀጣይ የትብብር መስኮች ላይ ውይይት ለማድረግ ችለዋል::
Comments
ምንም አልተገኘም.
አስተያየቶችዎን ይተዉት.