ከንቲባ አዳነች አቤቤ በደቡብ ኮሪያ በተካሄደው የሴኡል ስማርት ሲቲ 2024 ምርጥ አመራር ሽልማት አሸናፈ በመሆን እውቅና ተበረከተላቸው።
ክብርት ከንቲባ አዳነች አቤቤ በአለምአቀፍ ደረጃ ከ72 አገሮችና 115 አቻ ከተማ አስተዳደር ከንቲባዎች ተወዳዳሪዎች መካከል በስማርት ሲቲ ንቅናቄ ክፍተኛ ውጤት ያስመዘገቡ ከንቲባዎች ተጽዕኖ ፈጣሪ ግለሰቦችና ኤክስፐርቶችን በመለየት እውቅና የሚሰጠውን የሴኡል ስማርት ሲቲ ሽልማት አሸናፊ ሆኑ፡፡
ክብርት ከንቲባ የስማርት ሲቲ ምርጥ አመራር ሽልማት ተሸላሚ ሊሆኑ የቻሉት የአዲስ አበባን ነዋሪዎች ህይወት ለማሻሻልና የከተማዋን መሰረተ ልማት ለማዘመን ባሳዩት ቁርጠኝነትና ባስመዘገቡት ውጤት ዉጤት መሆኑን በመረሀ ግብሩ አዘጋጆች ተገልፆል፡፡
ክብርት ከንቲባ በተለይም እንደ ኮሪደር ልማት ባሉ ፕሮጀክቶች ለአየር ንብረት ተስማሚ ለሆኑ ዘመናዊ ቴክኖሎጂዎች ቅድሚያ በመስጠት ለሁሉም ነዋሪዎች ምቹ የሆነች አካታች ከተማ ለመገንባት በሚያደርጉት ያላሰለሰ ጥረት እና ዝቅተኛ ገቢ ያላቸው የከተማዋን ነዋሪዎችን ኑሮ በማሻሻል ላይ ትኩረት በማድረግ በሰሩት ስራና ባስመዘገቡት ስኬት መሆኑ ተገልጻል፡፡
በተደራራቢ ስራ ምክንያት በመረሀ ግብሩ ላይ መገኘት ያልቻሉት ክብርት ከንቲባ በተወካያቸው የ ኢኖቬሽ እና ቴክኖሎጂ ቢሮ ሀላፊ አቶ ሰለሞን አማረ በኩል ባስተላለፉት የምስጋናና የእንኳን ደስ አላችሁ መልእክት ጊዜያችሁን ጉልበታችሁን ሳትሰስቱ የከተማችንን እና የነዋሪዎቿን ህይወት ለማሻሻል ሌት ተቀን አብራችሁን የሰራችሁ ባለድርሻ አካላት እና ልማት የተባበራችሁ የከተማችን ነዋሪዎች ሁሉ ውጤቱ ሁላችንም በመሆኑ ምስጋና ይገባችኋል ፤ ሽልማቱ የሁላችንም ነዉ ብለዋል።
እንዲህ አይነቱ ሽልማት ይበልጥ እንድንበረታ ተጨማሪ አቅምና ተነሳሽነት ይፈጥራልናል" ይሄ ጅማሮ ነዉ ገና ብዙ እንሰራለን ብለዋል፡፡
Comments
ምንም አልተገኘም.
አስተያየቶችዎን ይተዉት.