ትላንት ማማሻዉን ለልማት የተነሱ የከተማችን ነ...

October 14, 2024 - ውስጥ Current Affairs    0

ትላንት ማማሻዉን ለልማት የተነሱ የከተማችን ነዋሪዎች አዲስ ወደ ገቡበት አቃቂ ገላን ጉራ እና ቦሌ አራብሳ ቤቶች ሄደን ቤት ለንቦሳ ብለን ጎብኝተናቸዋል።

ከዚህ ቀደም ከነዋሪዎቻችን ጋር በዚህ ጉዳይ ዙሪያ ውይይት ማድረጋችን ይታወሳል። በውይይት መድረኮቹ ላይ በመነጋገርና በመግባባት በጋራ ባሳለፍነው ውሳኔ መሰረት ተነሺ ነዋሪዎቻችን አዲስ የገቡባቸው አካባቢዎች ለኑሮ የሚስማማ ጥሩ አየር፣ የጋራ መጠቀሚያዎች ያላቸውና ንጹህ፣ ጽዱና ለመኖር አስፈላጊ የሆኑ ግብአቶች የተሟሉላቸዉ የመኖሪያ ቤቶች ያገኙ ሲሆን፣ አካበቢዎቹ ለተማሪዎች በአቅራቢያቸው ትምህርት ቤት፣ የጤና ተቋማትና ፋርማሲ፣ የሸማቾች ሱቆች የተሟሉላቸው ናቸዉ።

በተጨማሪም ለእናቶች እና ወጣቶች የስራ እድል የሚውሉ ሼዶች ከውሃ እና መብራት አቅርቦት ጭምር ተዘጋጅቷል ።

በሌላ በኩል በገላን ጉራ መኖሪያ መንደር እስከ መንደሩ ድረስ የሚዘልቀዉን መንገድ ደረጃ ወደ አስፋልት በማሻሻል የብዙሃን ትራንስፖርት አገልግሎት በፍጥነት ለመዘርጋት እየሰራን ነዉ። እንዲሁም የተማሪዎች የክፍል ጥበት በማጋጠሙ በ2 ወር የሚጠናቅ ትምህርት ቤት፣ የልጆች መጫዎችን ግንባታ እና የእንጀራ ማምረቻ ማእከልም አስጀምረናል።

ማምሻውን ባካሄድነው የቤት ለንቦሳ ጉብኝት መርሃ ግብር ለነዋሪዎች ማዕድ በማጋራት እና ለተማሪዎች የትምህርት ቁሳቁስ በማበርከት አብሮነታችንን ገልጸናል።

የምንሰራዉ ለሀገራችን ብልፅግና ሲሆን የሀገራችን ብልፅግና ደግሞ የዛሬ እና የነገዉን ትዉልድ ታሳቢ ያደረገ ነው።

ስለዚህ በፍታዊነት እንሰራለን፤ ጊዜያዊ ችግሮችን ጨከን ብለን በትብብር ሰርተን በፍጥነት እናልፋቸዋለን።

ይህ ካልሆነ ለዉጥ አይኖርም። ለዉጥ ካላመጣን ደግሞ ጉስቅልና ይቀጥላል። ትጋታችን ከልማታችን ተቋዳሽ ሳይሆን ማንም ወደኋላ እንዳይቀር ነው።

ለከተማችን ልማት በሙሉ ልባችሁ ትብብር አድርጋችሁ የከተማውን የልማት ስትራቴጂ የደገፋችሁ የከተማችን ነዋሪዎች ለተዛባ መረጃዎችን ቦታ ሳትሰጡ ከጎናችን ሆናችሁ ስላበረታታችሁን በራሴና በከተማ አስተዳደሩ ስም ያለኝን አክብሮት እየገለጽኩ ከልብ አመሰግናለሁ ።

ፈጣሪ ኢትዮጵያን እና ህዝቦቿን ይባርክ

ከንቲባ አዳነች አቤቤ

---

Comments

ምንም አልተገኘም.